Atlas di Impakto di Klima pa Boneiru, Sint Eustatius i Saba (islanan BES) ta mustra e efektonan aktual di klima i ta proyektá pa e parti karibense di Reino Hulandes.
Dikon un Atlas di Impakto di Klima?
E Atlas di Impakto di Klima BES ta kolektá informashon klave tokante e efektonan di kambio di klima den e parti karibense di Hulanda konvertiendo konosementu sientifiko den komprendementu aksesibel. Aunke hopi organisashon ta traha riba e tópiko di kambio di klima, ketu bai tin poko informashon disponibel pa Boneiru, Sint Eustatius i Saba. Atlas di Impakto di Klima BES ta resultado di esfuersonan kompartí, tresiendo konosementu disponibel huntu na un lugá sentral. Meta ta pa yuda gobièrnu, individuo i komunidat komprondé lo mihó posibel e efektonan i vulnerabilidatnan spesífiko pa nan region.
Ken ta kontribuí na e desaroyo?
Ministerio di Infrastruktura i Maneho di Awa a finansiá e atlas akí, ku Fundashon CAS (Climate Adaptation Services) komo koordinadó. Dutch Caribbean Biodiversity Database (DCBD), Instituto pa Problemátika di Medio Ambiente (VU-IVM), Instituto Meteorológiko Real Hulandes (KNMI) i Universidat di Wageningen (WUR) ta suministrá informashon pa e atlas. E programa 'NWO-Eilande(rs)n aan het Roer' a kontribuí na integrashon lokal i e perspektiva di investigashon Karibense.
Otro organisashonnan enbolbí
Aliansa di Naturalesa di Karibe Hulandes (DCNA), Entidat Públiko Boneiru (EPB), Museo Terramar, STINAPA, EcoVision, Wageningen Environmental Research (WENR), Koninklijk Instituut voor Taal-, Land- en Volkenkunde (KITLV), Universidat Tékniko di Delft (TU Delft), Rijkswaterstaat (RWS), Kas di Informashon Marien, Deltares, i Rijksdienst voor Ondernemend Nederland (RVO) ta sostené Atlas di Impakto di Klima.
Algun tep òf pregunta?
Nos ta invitá bo pa kompartí tep, komentario, òf pregunta relashoná ku Atlas di Impakto di Klima akí via formulario di kontakto.